روشيتة ونصائح جميلة لمن يعمل فى مجال المحاسبة والمراجعة وأسواق العمل في مصر أو فى الخليج من الأخ الخولى نشرها على منتدى المحاسبين المصريين

ومن منشورات تنمية المحاسب وتطوير المحاسبين المبتدئين :


(( روشيتة ونصائح جميلة لمن يعمل فى مجال المحاسبة والمراجعة وأسواق العمل في


مصر أو فى الخليج من الأخ الخولى نشرها على منتدى المحاسبين المصريين )) ::


موضوعي بالتحديد هيكون عن مجال المحاسبة المالية والتدقيق اللي هما يعتبروا عصب مهنة المحاسبة ومفتاح النجاح لاي شخص طموح واللي فيهم بالتحديد تتوافر معظم فرص العمل وكمان الرواتب اللي زي العسل والكاش المحترم


النصايح التالية للي حابب يمتهن المحاسبة المالية ومهنة التدقيق ( بالتحديد : خريجين قسم محاسبة )


خلينا نبتدي من الاول خالص :


1-تجارة عربي ؟؟


لو إنت خريج تجارة عربي زي حالاتي لازم يا أستاذي تعرف المحاسبة بالانجليزي ..... بأي طريقة ... انا مثلا اشتريت كتب المحاسبة المالية بالانجليزي من مكتبة الجامعة .. مع العلم نفس الكتاب ممكن تلاقيه بيتباع في المكاتب الخارجية ب 100 او 150 جنيه ... زاكرهم كويس جدااا .. اتعلم ومارس كل حاجة بالانجليزي




2-استعيد الذكريات :


لو انت مخلص كلية وحاسس كده انك طلعت من المولد بلا حمص يعني حاسس انك مش فاهم كان بيحصل ايه في ال 4 سنين اللي فاتوا زيي كده مثلا .. كنت فاقد الوعي ل 5 سنين .. فنصيحتي انك ترجع لكتب سنة اولى وتانية وتالتة ورابعة وزاكرهم تاني (مش كلها .. المحاسبة الماليه في الاساس) ؟! ايوه زاكرهم تاني بس المرادي بفهم مش مزاكرة عشان عايز تنجح في الامتحان وخلاص .. لأ مزاكرة عشان تنجح في الحياة ...مزاكرة بفهم مش مزاكر حفظ ... لو محتفظ لسه بالكتب يبقى خير وبركه ولو مش محتفظ بيهم برضه روح مكتبة الجامعة واقف مع طلبة سنة اولى في الطابور واشتري الكتب تاني .... أيوه انا عملت كده مش عيب يا أستاذ!




3-الاساس :


ركز جدااا على الاساسيات بتاعة المدين والداين وكتب المحاسبة المالية بتاعة سنة اولى وتانية بالتحديد... تمكن منها كويس جداا جدا ... هيه دي مفتاح النجاح!




4-الخبرة :


حاول في بداية حياتك تشتغل الحاجة اللي تعلمك مش اللي تقبضك ... حاول تدور على شغلانه بتمارس فيها كل الحسابات مش حاجة معينة بس.. يعني مثلا لو انت محاسب عملاء او محاسب بنك .. مش وحشة بس برضه حاول تعرف كل حاجة بتمشي ازاي وحاول تتوسع وتشتغل على كل الحسابات المالية في الشركة ... يفضل تشتغل في شركة تجارية ( هيه دي اللي هتعلمك صح )


5-اللغة :


اللغة في رأيي اهم من شهادة الكلية نفسها ... لازم تتعلم انجليزي صح .. حاول يكون ليك هواية بالانجليزي سواء افلام – موسيقى – قراءة .. المهم تتعلم تتكلم وتسمع وتكتب وتقرا انجليزي صح .. للاسف الشباب المصري ضعيف جدا في الناحية دي مقارنة بشعوب دول اخرى زي الهند وباكستان والفلبين اللي واكلين 95 % من التورته في دول الخليج .. أقصد بالتورته : سوق العمل


6- الشهادة المهنية :


حاليا في الوقت الحالي مع كثرة البشر وكثرة المعروض من العمالة .. أصبحت شهادة الكليه للمحاسب زي شهادة الثانوية العامة .... لااااااااااااااازم يكون معاك شهادة مهنية عشان تكون (محاسب معتمد) .. أنصحك بالشهادات التالية:


لو حابب مجال المحاسبة المالية والتدقيق في عندك شهادتين:


-شهادة الCPA - (شهادة أمريكية) : وتعني محاسب قانوني معتمد وطبعا الشهادة مكلفة جداااا وتحتاج سفر .... ممكن تسجل مع اي معهد او ممكن تزاكرها مع نفسك لو تقدر .. كل واحد وامكانياته المادية والفكرية (إسألني لو عايز معلومات اكتر عنها )


-شهادة ال ACCA : (شهادة بريطانية) : وأنا انصحك بيها لان تكاليفها أقل من ال CPA وامتحاناتها في مصر .. سجل مع اي معهدوابتدي فيها من دلوقتي حاااالا لانها بتاخد وقت وتعتبر زيها زي ال cpa (إسألني لو عايز تعرف معلومات عنها )


الشهادة دي مطلوبة جدا في الامارات وبالتحديدة في مكاتب التدقيق العالمية .. يوجد منها نوعين : نوع يستخدم المعايير البريطانية ونوع يستخدم المعايير الدولية .. أنصحك تقدم عليها بالمعايير الدولية ... مثلا عندنا في المكتب شهادة ال cpa شبه مرفوضة ... المكتب بيفضل الناس اللي معاها ACCA او معدي حتى كم جزء منها .. مجرد انك تذكر في CV بتاعك انك معاك ACCA او حتى بتدرسها وعديت كم امتحان منها بيعطيلك أفضلية رهيبة


الشهادة ممكن تبتديها علطول بعد ما تخلص ثانوية عامة او ممكن تبتديها وانت في كليه .. نصيحة لكل شاب مصري لسه في الكلية او لسه مخلص .. ابتدي في دراسة الشهادة فوراااااااااااااااا .. يعني لو انت في سنة اولى كلية .. ابتدي فيها وعلى ما تخلص كليه هتلاقي نفسك خلصت الشهادة وبقيت محاسب معتمد بس متطلبات الخبرة هتاخدها في اي وقت بعدين.. واتفرج على الفرص اللي زي اللوزوالفلوس الحلوة سواء جوه مصر او بره وانا اضمنلك كده


الشهادة مطلوبة في الامارات لانها بتستخدم المعايير الدولية والامارات تستخدم المعايير الدولية


للأسف في دبي والامارات بشكل عام .. مهنة التدقيق مسيطر عليها الهنود والباكستانيين والفلبينينن .. كل دولة من الدول دي عندها جمعية محاسبين خاصة بيها لاعتماد المحاسبين .. وبيعترفوا بيها في الامارات زيها زي الشهادة الاجنبية وزيها زي ال CPA الا عضوية جمعية المحاسبين المصرية اللي اعتقد غير معترف بيها هنا لان درسااتها بالعربي .. للأسف الشديد


هديلكم مثال حقيقى : أغلب الشباب الهنود والباكستانيين اللي واكلين سوق العمل في الامارات بيخلص كلية وبيكون معاه الشهادة المهنية بتاعته جاهزة .. يعني ممكن يكون عنده 20 سنة بس وتلاقيه محاسب معتمد لانهم كلهم بيدرسوها وهما عندهم تقريبا 17 سنة مش زينا احنا نايمييييين في العسل ... ومستغربين ليه الفرص ضعيفة للمصريين في الخليج ! .. بس للاسف مكنش فيه حد ينصحنا وقتها عشان كده حبيت أنصح الشباب اللي حابب يوصل في مجال المهنة وحابب فرص أفضل


7-العمل

بالنسبة للفرص الخارجية ممكن تشتغل في شركات او مكاتب تدقيق ... الافضل انك تبتدي في مكتب تدقيق كمساعد مراجع .. دي احسن حاجة ممكن خريج جديد يبتدي بيها حياته ودي هتوصلك لفرص ممتازة في المستقبل سواء في مهنة المحاسبة او المراجعة .. لو عايز تعرف مثال عن طبيعة الامتحانات في اماكن مثلا زي مكاتب التدقيق في الامارات إسألني وليك عندي الرد ان شاء الله

المصدر :: http://www.aliahmedali.com/forum/showthread.php?t=8454 :: .

بسم الله الرحمن الرحيم
(التأجير التمويلي )
◄ وهو :
ــ إتفاق يتم بين ثلاث أطراف
1) المؤجر / مالك السلعة
2) الوسيط / الممول الذي يدفع ثمن السلعة للمالك ويحل عليه من المستأجر علي أقساط
(غالبا يكون البنك أو شركات مخصصة لذلك )
3) المستأجر / هو الذي يحصل علي السلعة مقابل قسط للممول علي أن تؤول السلعة إلية
في النهاية
◄ الفرق بين التأجير التمويلي والتأجير التشغيلي :
(1) القسط /
التأجير التشغيلي / يكون مقابل للا نتفاع
التأجير التمويلي / يكون مقابل للانتفاع + جزء من ثمن السلعة
(2) تحديد المدة /
التأجير التشغيلي / تترك للتحديد بدون قيود
التأجير التمويلي / لابد أن تغطي الجزء الأكبر من الحياة الإنتاجية للأصل (75%)
(3) القيمة الايجارية للعقد /
التأجير التشغيلي / تترك حسب الاتفاق
التأجير التمويلي / لابد أن تغطي علي الأقل 95% من القيمة السوقية للأصل
(4) القابلية للفسخ /
التأجير التشغيلي / يجوز الفسخ في أي وقت برضي الطرفين
التأجير التمويلي / غير قابل للإلغاء

◄ التكييف الشرعي للعقد :
يؤخذ علي هذا العقد ثلاث أمور وهي
1) وجود بيعتين في بيعة واحدة وهو منهي عنة
2) وجود عقد بيع معلق
3) احتساب فائدة علي الرصيد
ــ البديل الشرعي لهذا العقد والذي ظهر في البنوك الإسلامية هو عقد الإيجار
بالإضافة إلى عقد الهبة المشروط بسداد الأقساط .
◄ المعالجة المحاسبية للعقد في ظل المعايير المختلفة :
(1) المعالجة وفقاً للمعيار الدولي رقم (17) والتوصية رقم (13) من المعايير
الامريكية :
ـ ويقوم هذا المعيار علي أساس رسمة العقد لهذا لا تختلف هذه المعالجة عن المعالجة
الخاصة بأي معيار قائم علي رسمة العقد
1/ أساس العقد /
علي أساس حقيقة وجوهر العقد لا علي أساس الشكل
2/ القياس /
تحدد قيم الإيجار بما يمكن المؤجر من استرداد التكلفة وهامش الربح وفوائد الرصيد
(كالبيع بالتقسيط )
3/ الإثبات /
ـ عند إبرام العقد
دفاتر المؤجر
من حـ/عملاء التأجير التمويلي
إلي مذكورين
إلى حــ/ الأصل(المؤجر)
إلى حـ/الفوائد المؤجلة
دفاتر المستأجر
من حــ / الأصل (المؤجر)
إلى حـ/ دائني التمويل التاجيري
ــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــ
ــــــــــــــــ
ـ عند دفع قسط الإيجار
دفاتر المؤجر
من حـ / النقدية
إلى حـ/ عملاء التمويل التأجيري
دفاتر المستأجر
من حـ / دائني التمويل التاجيري
إلى حــ / النقدية
ــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــ
ــــــــــــــــ
ـ عند التسوية في نهاية العام
دفاتر المؤجر
من حـ/ الفوائد المؤجلة(نصيب العام)
إلى حـ/ الأرباح والخسائر
دفاتر المستأجر
من حـ الإهلاك
إلى حــ/ الأصول (المؤجرة)
ــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــ
ــــــــــــــــ
ـ في نهاية مدة العقد
لا يثبت شيء في الدفاتر سواء عند المؤجر أو عند المستأجر
ــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــ
ــــــــــــــــ

(2) المعالجة وفقاً للمعيار المصري رقم (20) والمعيار رقم (8) للمؤسسات المالية
الإسلامية:
ـ ويقوم هذا المعيار أساسا علي سياسة عدم رسمة العقد لهذا فالمعالجة لا تختلف من
معيار لآخر
1/ أساس العقد /
علي الأساس الشكلي علي أنة إيجار وفي نهاية المدة بيع .
2/ القياس /
تترك حسب الاتفاق وغالبا ما تكون حسب المعيار الدولي .
3/ الإثبات /
ـ عند إبرام العقد
لا يثبت شيء عند إبرام العقد لأنة لم ينشأ بهذا العقد التزام
ـ عند دفع قسط الإيجار
دفاتر المؤجر
من حـ/ النقدية
إلى حـ/إيرادات الإيجار
دفاتر المستأجر
من حـ/مصروفات الإيجار
إلى حــ/ النقدية
ــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــ
ــــــــــــــــ
ـ عند التسوية في نهاية العام
دفاتر المؤجر
من حـ/إيرادات الإيجار
إلى حـ/الأرباح والخسائر
من حــ/ الإهلاك ك
إلى حـ/ الأصل
دفاتر المستأجر
من حـ/الأرباح والخسائر
إلى حـ/ مصروفات الإيجار
ــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــ
ــــــــــــــــ
ـ في نهاية مدة العقد
دفاتر المؤجر
من حـ/ الأصل
إلى حـ/ المستأجر
من حـ / النقدية (النفاية)
إلى حــ /الأصل
دفاتر المستأجر
من حـ/ الأصل
إلي حــ/النقدية (النفاية)
ويختلف القيد في دفاتر المستأجر في المعيار الإسلامي ويكون كما يلي
من حـ/ الأصل
إلى حــ / التبرعات